阿盈

阿叔連我姓名都不記得。

我呢 ⋯⋯（笑）係唔係幾聽得明阿叔講咩！但不知為甚麼阿熠溝通狀態極佳㗎！佢成日誒！（扮阿叔口音）阿熠，食橙吖！

我第一次見阿叔的時候我還在讀中學喎 ⋯⋯

阿叔隻腳現在好返未呀？（不會好 ⋯⋯ 柏金遜⋯⋯）（阿盈抽一口大氣）⋯⋯ 牛房會不會有那些保障金之類？

知道阿叔的姓名嗎？哩個真係唔知呀！我只知道阿叔在雲南，不知怎的到過緬甸，種鴉片坐過監，後來他太太輾轉來了澳門，他坐完監後也落來澳門，他坐監的時候很年輕的，好像只是二十出頭，但好像當時農村很窮苦，很多人都四散。我問過他來到澳門是不是繼續賣鴉片（笑）。他來到澳門是築馬路和建橋的工人，他說他是靠做這些工養大幾個仔女。（是哪兒？）嗱問阿熠吧！阿熠常常答他係咪真㗎有無「坤」我哋㗎？他就會呵呵呵呵唔係！咁樣㗎（笑）。

阿叔最勁的嘢一定是洗地，阿叔洗地真是很有特式的！他喜歡將整個地都搞到起晒泡，好像置身於仙境一樣（笑）。（怎樣起泡？）牛房一樓是紅色瓷磚地嘛，阿叔會先將洗地的泡泡弄出來，不是洗地水哦，只是泡泡，弄到整個地都是泡泡，然後用力掃，整個畫面就是一地泡泡。他一洗地就好開心㗎喇！

有甚麼活動的時候，其實不一定要他幫忙的，但有時他知道人手不夠，他會來幫忙搬下櫈呀，打下招呼囉。其實當時我有叫阿叔戒煙的。

同埋阿叔喜歡聽Evade 㗎！他一得閒坐在木櫈度就會plug 歌㗎喇！他會自己揀碟，他好有心得的，好勁㗎阿叔！聽親都是電子音樂呀，因為佢可以跳舞，佢會 un un 下」喺度打 beat 㗎。

其實阿叔應該知道很多牛房的祕密（笑），那些老闆之間的關係那些啦！哦這個是我估計嘅啫（笑）。

他會是最準時放工的一個，原因其實很sweet，他放工要去買菜煮飯畀老婆食，佢講拜拜時，做個手勢，就走㗎喇。他都很疼山蕉，其實，呀，不是，其實逢是他心目中我們這些細路仔他都疼。他又成日笑笑口咁，你都不知他邊句真邊句假。

他其實該是不愁生活的，只是想一直做工做到不能再做。

他就是很貼心的老人家咯，又會笑口問你，點呀？搵到工未呀？做邊呀？那時男朋友來接我放工，阿叔仲笑我呢！